Skip to content

Rhwydwaith Ymchwil Integredig Trafnidiaeth ac Iechyd (THINK)

Menu
  • Hafan
  • Amdanom ni
    • Cwrdd â’r Tîm
  • Blog Archwilio Trafnidiaeth ac Iechyd
  • Podlediad y THINK
  • Adnoddau Academi THINK
    • 20mya ac iechyd
    • Adnoddau Teithio Llesol
    • Adnoddau Gwahanu Cymunedau o boptu Ffyrdd
    • Adnoddau Diogelwch Defnyddwyr Ffyrdd
    • Adnoddau Llygredd Aer a Sŵn
    • Cyhoeddiadau THINK
    • Trafnidiaeth a dull gweithredu Iechyd Cyfunol
  • Prosiectau rhwydwaith THINK
    • Cronfa Prosiectau Bach ar gyfer Materion Trafnidiaeth yn y Gymuned – y Rhwydwaith Ymchwil Integredig i Drafnidiaeth ac Iechyd
      • Derbynwyr y Gwobrau 2023
    • Bws Rhywedd+Cymru: mynd i’r afael ag aflonyddu rhywiol ac ymddygiad treisgar yn erbyn menywod er mwyn sicrhau gwasanaeth bysiau cynhwysol o ran rhywedd yng Nghymru
  • Newyddion
  • Cysylltu â ni
  • Cymryd rhan
  • CymraegCymraeg
    • EnglishEnglish
    • CymraegCymraeg
Menu

A all terfyn cyflymder o 20mya leihau hollti cymunedol?

Posted on 13 Gorffennaf 20221 Awst 2022 by lucybaker

Awdur: Dr Lucy Baker

I weld yr erthygl â’r drafodaeth lawn ‘Can 20 mph speed limits reduce community severance?’ dilynwch y ddolen hon: https://think.aber.ac.uk/cy/20mya-ac-iechyd/

Ffoto: Dr Lucy Baker

Crynodeb

Mae’n glir bod angen lleihau cyfartaledd cyflymder a goryrru gormodol er mwyn atal anafiadau a marwolaethau. Un ffordd o gyflawni hyn yw defnyddio seilwaith sydd wedi’i osod yn strategol i arafu traffig. Yn y DU mae’r dull hwn wedi arwain at barthau cyflymder 20mya i ‘ostegu traffig’. Dull arall yw gorfodi cyfraith sy’n cyfyngu traffig i gyflymder is penodol, gyda Sefydliad Iechyd y Byd yn argymell y dylai hyn fod yn 20mya mewn ardaloedd lle mae defnyddwyr ffordd agored i niwed a cherbydau’n defnyddio’r un llefydd. Mae wedi’i brofi fod y ddau ymyriad yn gwella diogelwch ar y ffordd.

Wrth i derfynau cyflymder 20mya ddod yn fwy cyffredin, ceir trafodaeth ar effaith bosibl y mesur ar hollti cymunedol.

Gan ddod ag ymchwil ar hollti cymunedol, diogelwch ffordd a therfynau cyflymder 20mya at ei gilydd, mae’r erthygl yn ystyried y ffactorau sy’n cyfrannu at hollti cymunedol a sut a pham y gallai lleihau terfynau cyflymder helpu i’w drin. Mae’r erthygl yn pwysleisio pwysigrwydd defnyddio ymyriadau ychwanegol ynghyd â therfynau cyflymder 20mya i fynd i’r afael â’r ffactorau lluosog sy’n cyfrannu at hollti cymunedol, fel faint o draffig sydd ar y ffordd, cynllun yr amgylchedd adeiledig a chyflymder y traffig. Mae hefyd yn edrych ar sut mae hollti cymunedol yn effeithio ar wahanol bobl i raddau mwy a llai, a beth mae hyn yn ei olygu o ran lleihau hollti cymunedol drwy gyfuniad o leihau cyflymder a dwyster y traffig, lled ffyrdd a seilwaith cynhwysol addas i’r diben.

Lluniau: Dr Lucy Baker

Mae’r erthygl yn awgrymu’r canlynol:

  • gallai terfynau cyflymder 20mya fod yn fuddiol fel rhan o strategaeth yn erbyn hollti cymunedol. Mae’r rhain yn fwyaf effeithiol pan gânt eu defnyddio ar y cyd â mesurau eraill sy’n lleihau traffig ac yn gwella’r amgylchedd adeiledig i gerddwyr a seiclwyr, gan gynnwys defnyddwyr ffordd agored i niwed a’r rhai y mae traffig yn effeithio fwyaf arnynt.
  • gallai terfynau cyflymder 20mya wella ansawdd a diogelwch mannau gan annog a hwyluso cerdded a seiclo.
  • gallai terfynau cyflymder 20mya helpu i fynd i’r afael ag anghydraddoldebau iechyd. Gallent effeithio’n gadarnhaol ar symudedd pobl â symudedd cyfyngedig, pobl ag anableddau, pobl hŷn a phlant. Mae hyn oherwydd bod cyflymder arafach yn rhoi mwy o amser i yrwyr ymateb, ac yn rhoi mwy o amser i oedolion agored i niwed a phlant groesi ffyrdd ac asesu risg wrth groesi, a allai wella eu siawns o groesi’n ddiogel.
  • Yn ogystal, gallai terfynau cyflymder 20mya leihau difrifoldeb anafiadau yn sgil gwrthdaro ar y ffordd. Bydd hyn o fudd i bawb, ond yn arbennig y rheini sy’n fwy tebygol o farw mewn gwrthdrawiadau oherwydd eu natur fregus yn gysylltiedig ag oed, cyflyrau iechyd neu anabledd.
  • Fodd bynnag, mewn mannau gyda thraffig cymharol isel a heb seilwaith croesi digonol, gallai terfyn cyflymder o 20mya fod yn fwy buddiol i rai pobl na’i gilydd. Er enghraifft, gallai’r mwyaf abl ddod o hyd i fwy o gyfleoedd i groesi ffordd mewn traffig sy’n symud yn arafach tra bo pobl agored i niwed yn parhau i brofi anawsterau wrth defnyddio mannau lle ceir ffyrdd a cherbydau hyd yn oed pan fydd cyflymder traffig wedi’i arafu i 20mya. Po fwyaf y caiff y terfyn cyflymder ei orfodi, yr agosaf y bydd y cyfartaledd cyflymder i 20mya, y lleiaf fydd y bwlch hwnnw o ran anghydraddoldeb. Bydd angen seilwaith effeithiol sy’n cefnogi cerddwyr, defnyddwyr cadeiriau olwyn a seiclwyr yn ddigonol i symud o gwmpas, hyd yn oed lle mae’r traffig yn isel ac yn symud yn arafach.
  • Mewn mannau sydd â dwyster traffig uchel, mae angen mesurau eraill yn ogystal â therfyn cyflymder 20mya i fynd i’r afael â hollti cymunedol fydd yn lleihau traffig i sicrhau nad yw cerbydau’n dominyddu’r ardal. Bydd hyn yn sicrhau bod pobl sy’n byw mewn cymunedau difreintiedig yn cael llawn cymaint o fudd o’r terfynau cyflymder is â’r rheini sy’n byw mewn maestrefi tawelach a mwy llewyrchus.
Yn ysbryd adolygu gan gymheiriaid academaidd, mae THINK yn croesawu blogiau wedi’u cyfeirnodi mewn ymateb er mwyn annog trafodaeth agored. Os hoffech ysgrifennu blog e-bostiwch think@aber.ac.uk gyda’r llinell pwnc 'Ymateb Blog’
  • THINK – mae’r Rhwydwaith Ymchwil Integredig Trafnidiaeth ac Iechyd ym Mhrifysgol Aberystwyth yn chwilio am uwch reolwyr cwmnïau bysiau i gymryd rhan yn ein hymchwil. 
  • Offer i’w defnyddio i leihau effaith rwystrol ffyrdd prysur ar gerddwyr  
  • Agor y Strydoedd i Chwarae
  • E-seiclo: cyfleoedd i alluogi cynhwysiant mewn teithio gweithredol
  • Adroddiad Gweithdai Gosod Agenda THINK
THINK - the Transport and Health Integrated research NetworK
Prifysgol Aberystwyth University
Health and Care Research Wales
NHS Wales - Public Health Wales
Tweets by TransportHealth
©2023 Rhwydwaith Ymchwil Integredig Trafnidiaeth ac Iechyd (THINK) | Built using WordPress and Responsive Blogily theme by Superb