Yn yr haf daeth rhai o aelodau THINK at ei gilydd i lunio’r drafft cyntaf o fap systemau i grynhoi’r elfennau sy’n rhwystro a galluogi teithio llesol i bawb yn y DU.
Daethom at ein gilydd am ddiwrnod cyfan dros ddwy sesiwn, gan ystyried y ffordd orau o ddangos y cysylltiadau rhwng elfennau polisi, cyllid, diwylliant, seicoleg, seilwaith ac arferion sy’n cyfuno i gynrychioli, mewn un lle, sut mae’r system o deithio llesol yn gweithredu ar hyn o bryd yn y DU. Yna aethom ati i ychwanegu nodiadau at elfennau’r map i dynnu sylw at bwyslais cynnil pob un o ran hygyrchedd i bawb.
Mae THINK, trwy’r ymarfer hwn, am ofyn y cwestiwn, a all offeryn fel y map systemau hwn fod yn ddefnyddiol o ran gwneud penderfyniadau, comisiynu ac ariannu seilwaith ac ymyriadau teithio llesol? Trwy weld yr holl elfennau mewn un lle, a all hyn helpu i sicrhau dulliau mwy cydlynol wrth wneud yn siŵr fod teithio llesol ar gael i bawb.
Rydym bellach yn gwahodd aelodaeth ehangach THINK i ystyried y map drafft ac ychwanegu unrhyw beth y maent yn credu sydd ar goll yng nghynnwys neu nodiadau’r map, heb ei orlwytho â gwybodaeth gan lethu’r defnyddiwr.
Gweler gopi PDF o’r map drafft yn Saesneg ac yn Gymraeg. Trwy ddilyn y dolenni isod i’r cyflwyniadau sydd yn sôn am sut y datblygwyd y map gan y tîm byddwch yn gallu rhyngweithio â’r map a’i chwyddo er mwyn gweld y manylion, symud o gwmpas ac agor y nodiadau cysylltiedig ar gyfer gwahanol elfennau’r map i ddatgelu rhagor o fanylion.
Saesneg: https://nickcavill.kumu.io/think
Dilynwch y ddolen isod i roi nodiadau gludiog ar y bwrdd Miro gan ychwanegu eich meddyliau.
Gallwch symud o gwmpas y dudalen trwy ei chwyddo â phelen eich llygoden neu, ar waelod y dudalen ar y dde ceir arwyddion + a – ar gyfer chwyddo i mewn ac allan a gallwch symud o gwmpas y dudalen wrth bwyso’r botwm dde ar eich llygoden.
https://miro.com/app/board/uXjVMhy59CM=/?share_link_id=906736089214 (os yw Miro yn agor ffenestr ychwanegol yn gofyn i chi fewngofnodi, caewch hwn gan nad oes angen i chi fewngofnodi neu gael cyfrif i ddefnyddio Miro fel gwestai).
Rhowch eich barn cyn 25 Hydref 2023.
Os byddai’n well gennych beidio â defnyddio bwrdd gwyn Miro ar-lein gallwch gyflwyno eich syniadau i think@aber.ac.uk
Os oes gennych unrhyw gwestiynau, e-bostiwch